Ауғанстанда су дағдарысы шешілмей келеді

Ауғанстан астанасы Кабулде ауызсу тапшылығы күн өткен сайын қиындады. 4 жылдан бері бұл мәселе шешілмей келеді. Тұрғындар тіршілік нәрі үшін күнде кезекте тұруға мәжбүр. Әр екі апта сайын ауызсу кабулдықтарға цистернамен тасымалданады. Бұл үлкен ауыртпалық дейді тұрғындар. Су болмаған соң  елде құрғашылық. Сарапшылардың айтуынша, қуаңшылыққа климаттың өзгеруі мен жерасты суын шектен тыс пайдалану себеп болған. БҰҰ-ның дерегінше, Ауғанстан халқының 60 пайыздан астамы, яғни 24 млн-нан аса адам қақтығыс, экономикалық және су дағдарысынан гуманитарлық көмекке зәру.