Мемлекет үшін жұмысшы мамандықтарының маңызы неде?

Ел тұрғындары жұмысшы мамандықтардың маңызын атап өтті. Еңбек адамдары зауыт пен фабрикалардың жұмысын жүргізіп, жаңа технологиялардың дамуына және экономиканың тұрақтылығына үлес қосып жүр. Сондай-ақ әр мамандықтың өз құндылығы барын айтып, жастардың еңбекке қызығуы елдің дамуына серпін береді,- дейді көпшілік.

«Біздің қоғамның тірегі ол әрқашанда еңбек адамдары. Еңбек адамдарының өзінің орны, жауапкершіліг бар. Мысалыға айтатын болсақ, құрылысшы шахардың сәнін келтірсе, дәрігер өмірдің мәнін келтіреді дегендей, әр еңбек адамы өзіндік орынға лайықты деп есептеймін! Осы еңбек адамдарының арқасында еліміз дамып, көркейе береді деп ойлаймын».

«Қазіргі геосаяси жағдайда, қазіргі экономиканың әртүрлігі сан алуандығы белең алған жағдайда бізге қазір кәсіптік мамандарды игерген, техникалық мамандықтардың азаматтары өте көп керек. Себебі,біз алдағы уақытта АЭС саламыз дейміз, көптеген су реформасында да қазіргі жасалып жатқан гидротехникалық сияқты түрлі мамандық иелері қажет».

«Еңбек – адам өмірінің негізі, қоғам дамуының мәні. Мемлекет басшысы Қасым-Жомарт Тоқаев өзінің жолдауында шын мәнінде еңбек адамдарының беделін көтеруіміз керек, жастарымыз еңбекқор, табанды, өз кәсібіне адал болуы керек деп атап өтті. Қандай маман иесі болсақ та, бәрімізді біріктіретін ортақ құндылық бар. Ол – адал еңбек».