Еңбекке құрмет – маңызды міндет

Еңбекке құрмет– маңдай тер мен ауқымды істің қасиетін тану. Бұл мереке жұмысшы мамандардың қоғамдағы рөлін дәріптейді. Жас буынға адал жұмыспен нәпақасын табуды насихаттайды.

Осы ретте ел тұрғындары мереке қарсаңында еңбек күнінің маңызы жайлы өз ой-пікірімен бөлісті.

«Еңбек адамдарының күні деген өте маңызды күндердің бірі. Автомеханиктер, электрик, сантехниктер болсын, сол кісілердің жұмыстарын бағалау керек деп ойлаймын. Керек мамандықтар. Кей кезде таба алмай да қаламыз ғой сол кісілерді. Көбісі ойлайды, қара жұмыс болғаннан кейін, жалақысы аз деп. Жоқ, негізі сол жақта бүкіл ақша, жақсы табыстың көзі, бірақ көбісі біле бермейді».

«Адамды адам еткен еңбек. Өмірімізде қолданып жатқан заттардың барлығы сол еңбек арқылы келіп жатыр. Оның барлығын еңбек адамдары өндіріп жатыр. Сондықтан еңбек адамдарын құрметтеу керек деп ойлаймын».

«Жұмысшы мамандықтар дегеніміз ол мысалы, ауылда тазалықты қарап жүретін үлкен апайларымыз бар, үлкен ағаларымыз бар солардың еңбектері еленуі керек деп ойлаймын.  Осы қарапайым жұмысшыларымыздың жұмыстарын көрсетуіміз керек, насихаттауымыз керек, құрметтеуіміз керек Президентіміз Тоқаев мырза дұрыс айтады».