Бірнеше жұмысты қатар істеуге шектеу қойылмайды

Қазақстандықтардың бірнеше жерде қатар жұмыс істеуіне тыйым салынбайды. Жалған ақпаратқа қарсы іс-қимыл орталығы осындай хабарлама таратты. Бірақ негізгі жұмыс – 8 сағат, қосымша жұмыс – 4 сағатқа дейін, ал жалпы жұмыс уақыты тәулігіне 12 сағаттан аспауы тиіс. Шектеулер тек кәмелетке толмағандарға, ауыр және зиянды өндірістерде істейтіндерге және мемлекеттік қызметшілерге қатысты қолданылады. Желі арқылы тарап жатқан «Бір уақытта 2-3 жерде жұмыс істеуге болмайды» деген ақпаратқа сенбеңіздер, - деп ескертті орталық мамандары.