Қазақстандық теннисші беделді турнирдің ширек финалына шықты

17 жастағы Қазақстандық теннисші Тунистегі турнирде жарыстың 2-ракеткасын жеңді. Осылайша Әмір Омарханов Монастир ITF M15 турнирінің ширек финалына жолдама алды. Дүниежүзілік рейтингіде 1241-орында тұрған Әмір алдымен әлемнің 970-ракеткасы, германиялық Венсан Марысканы жолдан тайдырды. Екінші айналымда әлемнің 622-інші, осы жарыстың 2-ракеткасы, тунистік Азиз Оуакамен шеберлік байқасып, басым түсті. Енді жартылай финалға шығу үшін рейтингіде 1430-сатыдағы германиялық Лука Виденманмен таласады.