Шымкентте еңбек күніне арналған жәрмеңке өтті

 Шымкентте Еңбек күніне орай өңіраралық бос жұмыс орындары жәрмеңкесі өтті. Шараға жүзден астам жұмыс беруші қатысып, төрт мыңнан астам тұрақты және уақытша жұмыс орны ұсынылды. Жәрмеңкеде қаладағы және өзге өңірлердегі ірі кәсіпорындар өз мүмкіндіктерін таныстырып, қатысушылар өздеріне ыңғайлы ұсыныстарды таңдай алды. Сонымен қатар, жұмыс күші тапшы өңірлерден келген делегаттар өңіраралық жұмыспен қамту мен ерікті қоныс аудару бағдарламаларын түсіндірді. Мерекелік іс-шара барысында еңбек озаттары мен үздік кәсіпорындар марапатталды. Қатысушылар ұсынылған мүмкіндіктерге өз бағасын берді.

Жанасбек Есмұханбетов, қала тұрғыны:

Абай облысы 55 мыңнан 110 мыңға дейін пәтер ақысын береміз дейді. Қандай мамандық өзіңізге сондай мамандықпен жұмыс тауып береміз дейді. Сосын жалақысын айтады. Ұнаса барып жұмыс істеуге болады. Оның ешқандай қиындығы жоқ. Қазір мысалы жастардың көбі бос жүр. Сондықтан соған қорықпай бара беруге болады.