Almaty Superski тау шаңғысы курортын дамыту жоспары бекітілді

Almaty Superski тау шаңғысы курортының даму жоспары бекітілді. Жобаны Kazakh Tourism бас директоры Ержан Еркінбаев пен Pas Grau International компаниясы бірлесіп әзірлеген. Бұл туралы Премьер-министр Олжас Бектеновтің қатысуымен өткен директорлар кеңесінің отырысында айтылды. Жаңа жоспарға әлем бойынша 120-дан аса курортта қолданылатын үздік тәжірибелер енгізілген. Үкімет басшысы нысанды салу кезіндегі экологиялық нормаларды сақтаудың маңызын атап өтті. Жоба - Алматыны қысқы туризмнің орталығына айналдырып, шаһар экономикасын әртараптандыруға үлес қоспақ.