Ұлы дала жорығының алтыншы маусымы аяқталды

Бүгін Ұлы дала жорығының алтыншы маусымы мәресіне жетті. Биылғы жорықта қатысушылар жалпы ұзындығы 500 шақырымнан аса қашықты еңсерді. Бәйге марафонында биыл алғаш рет Қырғызстан командасы жеңіске жетті. Жүйелі жоспар құрып, жарысқа тыңғылықты дайындалған көршілес елдің құрама командасы шешуші кезеңде де аянып қалмады. Екінші орында Ақтөбе шабандоздары, үздік үштікті Қостанай құрамасы түйіндеді.