Биыл 25 мың адамға ЖРВИ-ге қарсы екпе салынады

Биыл 25 мың адамға жедел респираторлық вирустық инфекцияға қарсы екпе егіледі.  Өйткені жұқпалы аурулардың қозатын кезеңі басталып жатыр. Денсаулық сақтау министрлігінің мәліметінше, қазір елдегі эпидемиологиялық жағдай тұрақты. Бүгінде А вирустық гепатиті 2,5 есеге, коронавирус нфекциясы 1,6 есеге, көкжөтел де 8 есеге, туберкулез 12, сондай-ақ қызылша  91 пайызға төмендеген. Алдағы эпидемиологиялық маусымда тұмау вирусының үш штамы өзекті болады. Олар A H1N1, A H3N2 және B штамы. Дегенмен мамандар алаңдауға негіз жоқ дейді, өйткені биыл егілетін екпе вирустың аталған түрлеріне қарсы күреуге арналған.

Сархат Бейсенова, ҚР ДСМ Санитарлық-эпидемиологиялық бақылау комитетінің төрайымы:

Дүниежүзілік денсаулық сақтау ұйымы талдау жасап, осы биылғы маусымның бәрін қарастырып, болжам жасап, қандай вирустың өршуі болады деп сараптама береді. Сол сараптама бойынша жаңағы вакцинаның құрамын жасайды. Соның құрамына биылғы болатын үш вирустың түрін енгізеді.