Тайвань аралы халқы тайфуннан кейін қалыпқа келе бастады

Тайвань аралында «Рагаса» тайфунынан кейін тазарту жұмыстары жүріп жатыр. Кей аудандарда су тапшы. Тұрғындар үкіметтен ахуалды тез қалпына келтіруге шұғыл көмек сұрады. Мұнда дүлей дауылдан қаза тапқандар саны 14-ке жеткен. Тағы 34 тұрғын іздестіріліп жатыр. Дені Гуанфу қалашығының тұрғындары. Нөсер жауын кезінде жергілікті өзен арнасынан тасып, қалашықты басып қалған.