Ұлы дала жорығы: Шабандоздар мәреге жақындады

Ұлы дала жорығының қатысушылары мәреге жақындады. Шабандоздар Арқалыққа 50 шақырым қалған жерде аялдады. Дегенмен жарыстың мәресіне бір күн қалғанда үш команда Астана, Шығыс Қазақстан және екі күн қатарынан көш бастап келген Жетісу шабандоздары жарысты аяқтауға мәжбүр болды. Сондай-ақ толық құрамда келе жатқан командалардың да аттары мәреге жетпей, жол бойында қалып, үш атпен кірді. Кеше өткен 100 шақырымдық кезеңде бірінші болып қырғызстандық шабандоздар мәре сызығын кессе, олардың артынан Қостанай және Ақтөбе құрамалары жетті. Үш команданың арақашықтығы бар-жоғы 15 минут.