Қазақстаннан Өзбекстанға бензин экспортталғаны туралы ақпарат жалған

Бірқатар бұқаралық ақпарат құралдарында Қазақстан Өзбекстанға бензин экспорттап жатқаны жөнінде жалған ақпарат таралды. Мұны жалған ақпаратқа қарсы іс-қимыл орталығы анықтады. Энергетика министрлігі де бұл мәліметтің шындыққа жанаспайтынын ресми түрде мәлімдеді. Ведомство өкілдерінің сөзінше, Қазақстаннан Өзбекстанға немесе өзге де елдерге бензин экспорты жүзеге асырылып жатқан жоқ. Ел аумағында мұнай өнімдерін әкетуге түбегейлі тыйым салынған.