Нью-Йоркте Трамп пен Зеленский кездесті

Украина НАТО мен Еуропаның көмегімен Ресей басып алған территорияларын қайтара алады. Мұны АҚШ президенті Дональд Трамп Нью-Йоркте президент Владимир Зеленскиймен кездескеннен кейін мәлімдеді.

Тағы бір сөзінде Трамп Құрама Штаттардың НАТО-ға қару-жарақ жеткізуді жалғастыратынын және сол арсеналды альянс елдері қалаған жеріне жібере алатынын атап өтті. Сонымен қатар, Трамп НАТО мемлекеттерінің өз әуе кеңістігіне енген ресейлік ұшақтарды құлата алатынын да ескертті.

«Рейтер» агенттігінің хабарлауынша, АҚШ президенті осы мәлімдемелерімен Киевке қатысты саясатының өзгергенін білдіріп отыр. Бұған дейін Трамп соғысты тоқтату үшін Украина кейбір территорияларынан бас тартуы керектігін айтқаны белгілі.