Дания мен Норвегияда дрондардың кесірінен рейстер доғарылды

Дания мен Норвегияның басты әуежайларының маңында белгісіз дрондардың ұшуына байланысты рейстер доғарылды. Ұшу-қону басқа әуежайларда жүзеге асырылған. 4 сағаттан кейін Копенгаген әуеқақпасы жұмысын қайта жалғастырды. Алайда ұшу-қону кестесінде өзгерістер болатынын ескертті. Норвегияның Гардермуэн әуежайы да осы себепке байланысты жабылып, кейін қалыпты кестеге оралды. Әуе кеңістігінде белгісіз дрондардың ұшуына қатысты Дания мен Норвегия полициясы бірлесе тергеуді бастады.