Ұлы дала жорығы: Үшінші күн

Ұлы дала жорығының 250 шақырымы артта қалды. Халықаралық бәйге-марафон осымен алтыншы рет ұйымдастырылып отыр. Бастапқыда Торғай жерінен 18 команда жорыққа аттанса, жарыстың үшінші күнінде олардың саны 13-ке дейін қысқарды. Ал фаворит саналған ресейлік команданың үш аты ғана жарыста қалған. Төрешілер мен мал дәрігерлерінің талабы біреу — шамадан тыс шауып, атты шаршатпау.

Серік Әбжанов, бас төреші:

 Жетісу шабандоздары екі күн қатарынан көштің алдын бермей, мәреге бірінші болып жетті. Олардың ізін ала, небәрі 14 минутқа кешігіп, көршілес Қырғызстан командасы келді. Ал үздік үштікті Ұлытау ұжымы түйіндеді. Әдеттегідей, үшінші күнгі қорытынды жиынында жеңімпаздарға ауыспалы кубок табысталды.