С.Бибосынов кәсіпқой бокстағы екінші жекпе-жегін өткізеді

Қазақстандық боксшы, Олимпиада ойындарының жүлдегері Сәкен Бибосынов кәсіпқой бокстағы екінші жекпе-жегін өткізеді. Бокс кеші 25 қазан күні Бішкекте өтеді. Сол күні рингке Өзбекстан атынан Олимпиаданың екі дүркін чемпионы Хасанбой Дусматов та шығады. Ол кәсіпқой бокста 8 жекпе-жек өткізіп, барлығында жеңіске жеткен, соның ішінде 5 кездесуін мерзімінен бұрын аяқтаған. Жерлесіміздің қарсыласы әзірге белгісіз. Ұйымдастырушылардың айтуынша, олардың есімдері алдағы апталарда белгілі болмақ.

Айта кетейік, Сәкен алғашқы кездесуінде филиппиндік Кристиан Леганнан басым түскен болатын.