Президент бірқатар кездесу өткізді

Мемлекет басшысы Нью-Йорктағы жұмыс сапары аясында бірнеше алпауыт компанияның басшыларымен кездесті. Президент алдымен Cameco корпорациясының президенті Тим Гитцельмен жүздесіп, уран өндіру саласындағы ынтымақтастық перспективасы талқыланды. Одан соң Goldman Sachs Global Institute инстутейт компаниясының жаһандық мәселелер бойынша президенті Джаред Коэнмен, ETS компаниясының президенті және бас атқарушы директоры Амит Севакпен, Смитсон институтының басшылығымен кездесті. Осы сапар аясында Қасым-Жомарт Тоқаев Біріккен Ұлттар Ұйымы Бас Ассамблеясының мерейтойлық 80-сессиясы аясындағы Жалпы дебатта сөз сөйлеп, тағы бірқатар маңызды кездесу өткізеді деп жоспарланып отыр.