Елордада жұмысшы мамандықтар аллеясы ашылды

Елордадағы Сарайшық ауданында Жұмысшы мамандықтар аллеясы ашылды. Жаңа аллея аудан тұрғындары үшін демалыс орны ғана емес, ел дамуына жұмысшы мамандардың қосқан үлесін насихаттайтын символдық кеңістікке айналмақ.

Ашылу рәсімі барысында 300 түп ағаш отырғызылды. Сондай-ақ «Еңбек жолы» байқауының жеңімпаздары марапатталды. Тұрғындарға концерттік бағдарлама ұсынылып, арнайы техника көрмесі мен тақырыптық фотокөрме ұйымдастырылды.