Зейнетақы қорынан ақша алғандарға салық салынбайды

Келер жылдан бастап зейнетақы қорынан ақша алғандарға салық салынбайды. Бұл жеңілдік тек ай сайынғы төлемдерге ғана емес, тұрғын үй сатып алу немесе емделуге арналған біржолғы зейнетақы төлемдеріне де қатысты.

Сондай-ақ бұған дейін біржолғы зейнетақы төлемін алып, салық төлеуді кейінге қалдырған азаматтар да 2026 жылдан бастап бұл міндеттен толық босатылады.

Айта кетейік, қазір зейнет жасына жетіп, Бірыңғай жинақтаушы зейнетақы қорынан төлем алатын азаматтар 10% мөлшерінде салық төлейді. Бірақ салық жарна салу кезінде емес, төлемді алу кезінде ұсталады. Енді бұл ереже өзгермек.