Йемен хуситтері Израильге зымыранмен шабуылдады

Йеменнің көтерілісші хуситтері Израильдің үш қаласына гипердыбысты баллистикалық зымыран жіберді. Снарядтар Эйлат қаласындағы қонақүйге түскен. Зымырандарға байланысты Тель-Авивтегі Бен-Гурион әуежайы уақытша жабылды. Хуситтер болса, бұл соққыны Израильдің Газадағы геноциді мен Йеменге жасаған шабуылы үшін кек алу мақсатында жасағанын мәлімдеді. Өткен аптада Израильдің әуе шабуылынан Йеменде 46 адам қаза тауып, 165 адам жараланған еді.