Интернет-алаяқтар оқушыларды арбауға кірісті

Алаяқтар оқушыларды арбауға кірісті. Олар балаларға қоңырау шалып, өзін мұғаліммін деп таныстырады. «Электрондық күнделікті жаңартамыз» деген сылтаумен SMS арқылы келген бір реттік құпия кодты сұрайды. Бала оны ата-анасына немесе мектебіне көмектесіп жатырмын деп ойлауы мүмкін. Іс жүзінде алаяқтар осы кодты пайдаланып, «Электрондық үкімет» жүйесіне, онлайн-банкингке немесе туыстарының банк шоттарына қол жеткізеді. Оқу-ағарту министрлігі мұғалімдердің ешқандай код сұрамайтынын, мұндай жағдайда бірден ата-анасына немесе құқық қорғау органдарына хабарласу қажеттігін ескертті.