Қостанай облысында алаяқтарға көмектескен 16 жасөспірім ұсталды

Қостанай облысында интернет-алаяқтарға көмектескен 16 жасөспірім ұсталды. 18 жастағы азаматтың үйін тінту кезінде 21 телефон мен 48 SIM-карта табылды. Дропперлер жаңа SIM-карталарды алаяқтарға жеткізіп келген. Ал олар жаңа нөмірлер арқылы жалған аккаунттар ашып, азаматтардың ақшасын айламен алып отырған. Тергеу барысында тағы 15 жасөспірімнің заңсыз әрекеттерге тартылғаны белгілі болды. Шығынның жалпы көлемі 80 млн теңге. Дропперлерге 7 жылға дейін бас бостандығынан айыру жазасы қарастырылған. Сондай-ақ кәмелетке толмаған жасөспірімдердің ата-анасы да жауапқа тартылады.