Мемлекет басшысы Шахмұрат Мүтәліпті қабылдады

Мемлекет басшысы Қазақстан бокс федерациясының президенті Шахмұрат Мүтәліпті қабылдады. Қасым-Жомарт Тоқаев Ливерпульде өткен Әлем чемпионатындағы спортшылардың жеткен жетістігін оң бағалап, боксты дамытуға баса мән беретінін және бұл бағыттағы жұмыс кешенді түрде жүргізілуге тиіс екенін жеткізді. Президентке отандық боксшыларды жаттықтыру, балалар мен жасөспірімдер, сондай-ақ аймақ спортына жағдай жасау аясында қолға алынған шаралар жөнінде баяндалды.