«QazaqGaz Aimaq» тұтынушылардан ₸196 млн заңсыз төлем алған

Қызылордада «QazaqQaz Aimaq» филиалы тұтынушылардан 196 миллион теңге көлемінде заңсыз төлем алған. Экономикалық қылмысқа қарсы тергеп-тексеру департаменті компанияның 2021-2023 жылдар аралығындағы жұмысын зерделеп, заңсыздықтарды анықтаған.  

Компания «Табиғи монополиялар туралы» Заңға қайшы келетін бірнеше қызмет түрі үшін 30 мыңнан астам абоненттен негізсіз төлем алған. Бұл даулы іс сотта қаралып, «QazaqQaz Aimaq» филиалының әрекеті заңсыз деп танылды. Қазіргі таңда тұтынушыларға қаражатын қайтару бойынша шаралар қабылданып, газ таратушы компанияға 19 миллион теңге әкімшілік айыппұл салынды.