Алматы облысында төтенше жағдай жариялануы мүмкін

Алматы облысында төтенше жағдай жариялануы мүмкін. Шешім «Ашық нормативтік-құқықтық актілер» интернет-порталындағы дауыс беру кезеңінің қорытындысына қарай қабылданады.

Айта кетейік, өңірдегі тұрмыстық қатты қалдықтар полигонындағы өрттің аумағы 15 гектарға жуықтаған. Қызыл жалынды ауыздықтауға 300-ге жуық қызметкер, 140 техника жұмылдырылды. Ашық өрт сөндірілгенімен, аумақтағы қызудың күші әлі басыла қоймады.  Сондықтан мамандар инертті материалдармен көміп, топырақты нығыздап жатыр. Бұл қауіпті ошақтарға келетін оттегіні азайтады. Осылайша техногенді апат ауыздықталуы мүмкін.