Қостанайда құтқарушылар өрттен 3 адамды алып шықты

Қостанайда құтқарушылар өрт шыққан пәтерден анасы мен екі баласын алып шықты. Оқиға көппәтерлі тұрғын үйлердің бірінде болған. Ас үйде плитаның үстіндегі май жанып, қас пен көздің арасында от жиһазға жайылған. Үйді қалың түтін басқанын көрген әйел қорыққанынан балаларын бөлмеге алып кіріп, есікті жауып алған. Кейін шыға алмай қалады. Дереу көмекке келген қызметкерлер есікті сындырып, пәтерден үш адамды аман-есен алып шықты.