Қазақстан мен Қытай арасындағы туризм жаңа деңгейге көтерілді

Қазақстан мен Қытай арасындағы туризм саласы бойынша ынтымақтастық жаңа деңгейге көтерілді. Былтыр Қытайда Қазақстанның туризм жылы деп жарияланып, бұл екі ел арасындағы гуманитарлық байланыстарды нығайтуға серпін берді. Осы уақыт аралығында Бейжің, Шанхай, Үрімші сынды ірі қалаларда 30-дан астам ауқымды іс-шара ұйымдастырылып, 200-ден аса келісім жасалды. Биыл Қазақстанда «Қытай туризмі» жылы атап өтілмек. Бұл – өзара ынтымақтың заңды жалғасы, дейді сарапшылар. Сондай-ақ Азия алпауытымен орнатқан визасыз режим екіжақты стратегиялық әріптестіктің дамуына жол ашты.

Нұрбол Байжанов, ҚР Туризм және спорт министрлігі индустриясы комитетінің басқарма басшысы:

Биыл Қазақстанда Қытай туризм жылы болғандықтан, Қытай тарабы өзінің көптеген шарасын өткізуді жоспарлап отыр. Біз өз тарабымыздан олардың сәтті өтуіне және қолғабыс етуге барлық күшімізді береміз. Өткен жылы біз Қазақстан тарабы Қытайда 37 шара өткізген болатынбыз.

Динара Жарқынбек