Конституциялық реформалар жүйелі іске асып жатыр

Конституциялық реформаларды іске асыру жұмысы жүйелі түрде жалғасып жатыр. Бұл туралы Мемлекеттік кеңесші Ерлан Қарин Telegram-дағы парақшасында жазды. Парламентте қаралған заң жобалары мемлекет пен қоғамның өзара іс-қимылының прогрессивті жүйелік моделін қалыптастыруға, қабылданатын шешімдердің сапасын арттыруға ықпал етпек. Биылғы наурызда өткен референдумда қабылданған жаңа Ата заңға сәйкес, Қазақстан Республикасының әкімшілік-аумақтық құрылысы, Астананың мәртебесі, сондай-ақ Қазақстан Халық Кеңесін құру, оның құрамын қалыптастыру тәртібі, өкілеттіктері мен қызметін ұйымдастыру конституциялық заңдармен айқындалады, деп жазды Ерлан Қарин.