Жаңалықтарды Telegram арнамыздан оқыңыз!Үйдегі керек болмай қалған қағаздарды өткізіп, оқушыларға қуаныш сыйлаңыз. Бүгіннен бастап Астанадағы «Amanat» партиясының Есіл аудандық филиалы макулатура жинауды бастады. Шара «Таза Қазақстан» экологиялық акциясы аясында өткізілуде. Оған кез келген қала тұрғыны қатысы алады. Түскен қаржы «Мектепке жол» акциясы бойынша қайырымдылыққа жұмсалады. Яғни, әлеуметтік аз қамтылған отбасылардың балаларына оқу-құралдары сатып алынады. Сондай-ақ қолданылған, қажетсіз қағаздарды қабылдау бекеттеріне апармай-ақ, «Эко қолдау» мобильді қосымшасы арқылы мамандарды үйге шақырып тапсыруға да болады.
Санира Жүсіпова, «Amanat» партиясы Есіл ауданы филиалының төрағасы:
Макулатураны тамыз айына дейін жинаймыз. Бұған барлық партия бастауыш ұйымдары қатысып жатыр. Ең алдымен Ikomek 109, №63, №103 мектептер келіп, үлес қосып жатыр. Барлық соманы шығарамыз, сол ақшаға біздің қоғамдық қабылдауға келген көпбалалы отбасыларға көмек жасалады.
Асылбек Данияр
