56 автордың бұрын еш жерде жарияланбаған шығармасы кітап болып басылады

Бұл туралы Мәдениет және спорт министрлігі жанындағы Сараптамалық кеңестің отырысында белгілі болды. Кеңес мүшелері қоғам үшін маңызды деген еңбектерді 90 жұмыстың ішінен таңдап алған. Енді 56 кітаптың әрқайсысы 5 мың данамен басылып, ел кітапханаларына тегін таратылады. Ал, авторларға 3 млн. теңгеге дейін қаламақы беріледі. Осы мақсатқа қазынадан 150 млн. теңге бөлініп отыр. Конкурс келесі жылы да жарияланады.

Еренай Дәржібаев, ҚР Мәдениет және спорт министрлігі әкімшілік департаментінің директоры:

- Тоқсан шығарманы ұсынғандардың 70-80 пайызы жас ақын-жазушылар. Шамамен 30-32 жастағалылар. Оларға мемлекет тарапынан төленетін қаламақы үлкен жәрдем болады да, келесі жылы тағы да жаңа шығармалар жазуға серпіліс береді.

Досымжан ЕРМҰРАТ