Алматыда әлемдік сарапшы Кай-Фу Ли «AI Class» авторлық курсын өткізді

Алматыда GITEX AI Kazakhstan 2026 жаһандық форумы қарсаңында елдің цифрлық трансформациясын ілгерілетуге бағытталған білім беру іс-шарасы ұйымдастырылды. Оған әлемге танымал сарапшы, доктор Кай-Фу Ли қатысып, еліміздің негізгі мемлекеттік органдары мен квазимемлекеттік сектор басшыларына арналған «AI Class» авторлық курсын өткізді. Оқыту аясында доктор Ли ЖИ-ді жаңа іргелі өндірістік жүйе және өнімділік инфрақұрылымы ретінде терең талдауды ұсынды. Айта кетейік, ертең Алматыда GITEX AI Kazakhstan 2026 шарасы өтеді. Бұл - Орталық Азиядағы алғаш рет ұйымдастырылған жасанды интеллектке арналған ең ірі технологиялық көрме. Форумға 60-тан астам елден саясаткерлер, технологиялық компаниялар, стартаптар мен инвесторлар қатысады.