Туған үш ағайынды бір әскери бөлімде борышын өтеуде

Бір үйдің 3 баласы бір әскери бөлімде отан алдындағы борышын өтеп жүр. Алексей және оның егіз інілері Владимир мен Геннадий. Жамбыл облысындағы Гвардейск гарнизонындағы сарбаздар Солтүстік Қазақстан облысындағы Тоқыш ауылының тұрғындары. Әскерге бару ортақ шешімдері. Алдымен егіздерге шақырту келген. Алексей егіз інілерін қолдап, әскерге бірге барған. Қазір үш ағайынды бір бөлімде, бірге сапқа тұрады. Жалпы, Жирновтар отбасында алты бала бар.

Геннадий Жирнов, Солтүстік Қазақстан облысының тұрғыны:

Бірге әскерде туған бауырлар болып қызмет ету, әрине бұл бақыт. Біз бала күнімізден үшеуіміз бірге жүреміз. Мектеп, колледжде де үшеуіміз бірге оқыдық. Асханаға да барсақ бірге барамыз. Әр сәтте бір-бірімізге қолдау көрсетіп, жанымыздан табыламыз. Себебі біз туған бауырлармыз.