Астананың тарихы көрмеге қойылды

«Тоғыз жолдың торабындағы Астана». Осындай атаумен Мемлекеттік мұрағаттың кең залында фото-деректі көрменің тұсауы кесілді. Көрмеден қаланың кешегісі мен бүгіні бейнелеген суреттер мен тарихи құжаттарды тамашалауға болады. Оның ішінде астананы ауыстыру туралы қаулы мен алғашқы ұйымдастыру комитетінің хаттамасы да бар. Фото-материалдар Астананың бірінші әкімі болған Әділбек Жақсыбековтің жеке мұрағатынан алынған. Көрме жыл соңына дейін жұмыс істейді.

Бақытжан Ертаев, ҚР Парламенті Мәжілісінің депутаты:

- Қала архивінде керекті, маңызды көрме өтіп жатыр. Бұл көрме болашаққа, жастарға керек. Мұнда бар нәрсені басқа ауыл-аймақтарға көрсету қажет.