Талдықорғанда ақпан айында тапсырылуы керек стадион әлі бітпеген

Талдықорғандағы орталық стадионның толық жөнделуі уақытынан кешігіп жатыр. Ақпан айында тапсырылуы керек болған нысанда әлі де бітпеген жұмыстар көп. Бүгін Мәжіліс депутаты Болат Керімбек спорт алаңын аралап, жұмысты жылдамдатуды әрі сапаға мән беруді тапсырды. Жалпы стадионның жөндеу жұмысына 1 млрд теңгеден астам қаржы қарастырылған. Кіреберісі жаңадан салынып, төрт үлкен бағана қойылып, жарықтары жаңартылды. Қосымша алаңның жасанды төсеніші толық ауыстырылып, халықаралық талаптарға сай материалардар төселді. Ендігі мәселе ішін доп тебетін жастарға толтырып, кәсіби футболды дамытуға бет бұру дейді халық қалаулысы.

Болат Керімбек, Мәжіліс депутаты:

Президентіміз бұқаралық спорт мәселесін көтерді ғой. Осы Олимпиадада көп сын айтылып жатыр. Бұқаралық спорт дамымай, ішінен мықты спортшылар іріктеліп шықпайтыны рас. Яғни, сан сапаны беретінін көріп отырмыз.

Қуаныш Қанатұлы