Жаңалықтарды Telegram арнамыздан оқыңыз!Қарағанды облысында Қазақстанда атом электр станциясын салу бойынша жария талқылау өтті. Шараға өңір тұрғындары, жергілікті Қоғамдық кеңестің мүшелері, Энергетика министрлігінің өкілдері мен экологтар қатысты. Атом энергетикасы саласының мамандары стратегиялық нысанның маңызы жайлы түсіндіріп, энергия тапшылығы жайлы мәселеге тоқталды. Жергілікті экологтар мен белсенділер реакторлардың қауіпсіздігі мен экологияға зияны және қаржысы секілді өзекті сұрақтарға жауап алды. Бүгінде әлемдегі алпауыт елдер атом электр станциясының игілігін көруде. Ал оны Қазақстанда салу мәселесі күзде өтетін ұлттық референдумда шешіледі.
Асуан Сиябеков, «Қазақстандық атом электр станциялары» ЖШС жетекші инженері:
Бізде енді қазір болашақта энергия тапшылығы болады деп жатыр. Әсіресе, оңтүстік аймақтарда. Түсіндіру жұмыстары болу керек, адамдар неге дауыс беріп жатқанын білуі керек. Технологиялар жайлы сұрақтар көтерілді, 13 реакторлық технологиялар қаралғаны, 4 шорт парақта қалғаны туралы айтылған болатын.
Жандос Бақытұлы
