Жаңалықтарды Telegram арнамыздан оқыңыз!Қарағанды облысында су тасқынынан зардап шеккен отбасыларға өтемақы төлене бастады. Шет ауданында алты тұрғынның үйі жарамсыз деп танылды. Бес отбасы үшін жақын күндері басқа үйлер сатып алынса, бір отбасыға жаңасы салынады, - дейді аудан әкімінің баспасөз қызметі. Кеншілер қаласында су тасқыны жүріп жатқан өңірлерге жылу жиналып жатыр. Парламент Сенатының депутаты Серік Өтешов арнайы барып, орталық штаб жұмысымен және тасқыннан зардап шеккен тұрғындарға көрсетіліп жатқан көмекпен танысты.
Серік Өтешов, ҚР Парламенті Сенатының депутаты:
Біздің Қарағанды облысы бойынша қауіп үлкен болды. Дегенмен су ары қарай кетіп, бүгінде су басқан елдімекен жоқ. Президентіміз жолдауында да, тапсырмасында да зардап шеккен тұрғындардың мәселесі шешілу керек.
