Жер қойнауын пайдалану және экология мәселелері туралы заң Мәжіліске қайтарылды

«Жер қойнауын пайдалану туралы мәліметтерді жасырғандар үшін жауапкершілікті күшейту керек!» Осылай деген сенаторлар жер қойнауын пайдалану және экология мәселелері туралы заңды мәжіліске қайтарды. Заң нормалары концептуалды түрде мақұлданып, оған бірқатар түзетулер енгізді. Маңызды құжат практикаға негізделген геологиялық барлау жұмыстарына жедел көшуді, сараптама мерзімдерін 12 айға дейін қысқартуды, әкімшілік шығындарды 2 еселеп жоюды көздейді. Әрі, жер қойнауын пайдалану жөніндегі операцияларды жүргізу жағдайларын жақсартуға мүмкіндік береді.

Мәулен Әшімбаев, ҚР Парламенті Сенатының төрағасы:

Заңда жер қойнауын пайдалану саласындағы инвестициялық тартымдылықты жақсартуға және осы бағыттағы саясаттың тұрақтылығын қамтамасыз етуге арналған нормалар бар. Сенат мақұлдаған өзгерістер заңның жекелеген ережелерін жетілдіруді көздейді. Жалпы бұл заң елімізде жер қойнауын тиімді әрі үнемді пайдалануға өз септігін тигізеді өз септігін тигізеді деп сеенеміз.