Басты Жаңалықтар Қостанай облысындағы 33 ауылға интернет қосылмаған

Қостанай облысындағы 33 ауылға интернет қосылмаған

24.11.2023 20:00

Қостанай облысында жылына 40 тонна құрғақ саумал өндіретін ферма іске қосылды. Алдағы уақытта Германияға экспорттамақшы. Бұл туралы Қостанай облысының әкімі Құмар Ақсақалов БАҚ өкілдерімен болған брифингіде мәлім етті. Аймақтың әлеуметтік-экономикалық әлеуетімен қатар өңірдегі өткір мәселелер де сөз болды. Облыстағы 33 ауылдың тұрғындары интернет, тіпті ұялы байланыстан құр алақан. Аймақ басшысы 492 ауылдың 67 пайызы , төртінші буынды сапалы интернетпен қамтылғанын айтты.

Құмар Ақсақалов, Қостанай облысының әкімі:

Қазақтелеком басшылығымен және де билайн компаниясының басшылығымен біз меморандумды жасадық. келістік, жыл сайын облыс бюджеттен 1 млрд теңге бөлінетін болады. мачта қоямыз. Сол мачтаға жаңағы екі компания сол өздерінің құрал-жабдықтарын қойып, жыл сайын ең кемінде бір 50 шақты ауылдарды жақсы интернетпен қамтитын боламыз.

Өңірдегі тағы бір түбегейлі шешілмей жүрген мәселе - жол. Облыс әкімінің мәлімдеуінше, бұл бағытқа 56 млрд теңге қаражат бөлініп отыр. Алдағы үш жылда мәселе түбегейлі шешілетінін жеткізді.

Бөлісу