Риддер қаласына жылу мерзімінде беріледі

Өткен қыстан қалтырап шыққан Риддер қаласына биыл жылу уақытында берілуі тиіс. Шағын шаһардың жылумен толық қамтылуына облыс басшылығы мен энергетика министрлігі тікелей жауапты. Бүгін Шығыс Қазақстан облысына жұмыс сапарымен барған премьер-министр Әлихан Смайылов жауапты тұлғаларға осындай міндет жүктеді. Жылу орталығындағы 6 қазандықтың екеуі іске қосылды. Енді бір-екі күнде жоғары қысымдағы бір қазандық толық жөнделіп бітеді. Тағы үшеуі қарашаның 15-іне дейін дайын болады.

Әлихан Смайылов, ҚР Премьер-министрі:

Бұл жұмыстарды бақылап, уақытында бітіріп, Риддер қаласының тұрғындарын жылумен қамтамасыз ету мәселесін толығымен бақылауда ұстау керек. Сонымен бірге ЖЭО-ғын коммуналдық меншікке беру мәселесін тез арада шешу керек.