Алматыда екі жасөспірім пышақ жарақатынан қаза тапты

Алматыда компьютерлік клубтардың бірінде болған жанжалдың арты адам өлімімен аяқталды. Жасөспірімдер арасындағы жаппай төбелес салдарынан 2 бала көз жұмды. Төбелес кезінде олардың бірі суық қару қолданған. Соның салдарынан 2 кәмелетке толмаған жасөспірім пышақ жарақатын алып, ауруханада қайтыс болды. Оқиғаға байланысты полиция 12 күдіктіні ұстады. Олардың барлығы 17-18 жаста. «Адам өлтіру» бабы бойынша қылмыстық іс қозғалып, тергеу амалдары жүргізілуде.