2030 жылға қарай жаңартылған энергия көздерінің үлесін 15%-ға дейін арттыру жоспарланды

2030 жылға қарай жаңартылған энергия көздерінің үлесін 15%-ға дейін арттыру жоспарланып отыр. Бұл туралы Премьер-Министрдің төрағалығымен өткен «Қазақстан-Еуроодақ» диалог платформасының 12-ші отырысында айтылды.

«Еуропа елдерінің баламалы энергия саласындағы тәжірибесі мен жетістіктерін ескере отырып, бірлескен жаңа жобаларды іске асыруға мүдделіміз»,- деді Әлихан Смайылов. Транзиттік-көлік ынтымақтастығы саласында Транскаспий халықаралық көлік бағытының рөлі артып келе жатқанын атап өтті. Қазақстан Орта дәліздегі «тар жерлерді» синхронды жою бойынша белсенді жұмыс жүргізіп отыр. Сонымен қатар еліміз Трансеуропалық көлік желісімен және Global Gateway бастамасы бойынша еуропалық серіктестермен бірлесе жұмыс істеуге дайын.