Елде 365 талапкер ҰБТ қайта тапсыра алмайды

Ұлттық бірыңғай тестілеудің аяқталуына бірнеше күн қалды. Сынақ басталғалы 267 мың мәрте тест тапсырылған. Оның 76 пайызы қазақ тілінде, қалғаны орыс және ағылшын тілінде. Ал талапкерлердің 79 пайызы шекті балды жинады. Ұлттық тестілеу орталығының директоры Руслан Емелбаевтың айтуынша, 365 талапкер смартфон мен өзге де тыйым салынған заттарды алып өтпек болған. Олар тестті қайта тапсыру мүмкіндігінен айырылды. Сондай-ақ, ҰБТ аяқталғаннан кейін 31 қазанға дейін бейнежазбаларға талдау жүргізіледі. Ереже бұзу анықталған жағдайда талапкердің тест нәтижесі толық жойылады. 

Ақмаржан Ғафиз