Басты Жаңалықтар Гүлмира Сатыбалды 8 жылға бас бостандығынан айырылды

Гүлмира Сатыбалды 8 жылға бас бостандығынан айырылды

30.06.2023 21:14

Гүлмира Сатыбалды 8 жылға бас бостандығынан айырылды. Сондай-ақ Қызылорда қалалық сотының үкіміне сәйкес 10 жыл бойы коммерциялық ұйымдарда басшылық қызмет атқара алмайды. Сатыбалды бөтеннің мүлкін иеленіп, талан-таражға салды деп айыпталған еді.

Осы іске қатысы бар тағы 7 адам жазаға тартылды. Айта кетейін, Гүлмира Сатыбалдыға тиесілі компания 2018-20 жылдары Сырдария өзенінің сол жағалауын жылумен жабдықтау жобасын жүзеге асыруы тиіс болатын. Бірақ, ешқандай жұмыс атқармай, ірі мөлшерде мемлекет қаржысын жымқырған. Ал орындалмаған жұмысқа сол кездегі салаға жауапты қызметкерлер көз жұма қарап, қол қойып жіберген. Сотталушылар мемлекетке 441 миллион теңге залал келтірген. Ұзақ уақыт қаралған қылмыстық іс бойынша барлығының кінәсі дәлелденді.

Жұлдыз Жәкеева, Қалалық №2 Соттың судьясы:

Сотталушы Сатыбалды Гүлмира Қауасқызы, ҚР Қылмыстық кодекстің 189 бабы, 4-ші бөлігі, 2-ші тармағына көзделген, қылмысты жасағаны үшін кінәлі деп танылсын. Мүлкі тәркілеусіз, 8 жыл бас бостандығынан айыру жазасы тағайындалсын.

Әділбек Серікұлы

Автор

Әділбек Серікұлы

Бөлісу