Шетелден әкелінген көліктерді заңсыз тіркеген қылмыстық топ ұсталды

Шетелден әкелінген көліктерді жалған құжатпен заңсыз тіркеген екі бірдей қылмыстық топ ұсталды. Олардың бірі мемлекеттік тіркеу алымын төлегені туралы жалған құжаттарды пайдаланып, 62 жүк машинасын қазақстандық есепке қойған. Шығын көлемі шамамен 500 миллион теңге. Ал екінші қылмыстық топ Алматыда Оңтүстік Кореядан жеткізілген көліктерді заңсыз тіркеген. Мемлекетке келтірілген шығын 340 миллион теңге.

Қуандық Алпыс, ҚР ІІМ ұйымдасқан қылмысқа қарсы күрес департаментінің бастығы:

Күдіктілер ұсталып, кінәларын мойындады. Сонымен қатар оларға тінту жүргізіліп, заттай дәлелдер мен жалған құжаттар алынды. 

Досжан Маратұлы