Жаңалықтарды Telegram арнамыздан оқыңыз!Канаданың Британдық Колумбия провинциясында орман өрті басылмай тұр. Осы аймақтың Донни-Крик ауданында 240 мың гектардан астам жасыл желек жанып кеткен. Лапылдаған жалынды тоқтатуға арнайы техника тартылды. Қазір мұнда 67 өрт ошағы анықталып отыр. Солардың 11-і соңғы тәулікте тұтанған. Айта кетсек, өткен айда осы елдің Альберта провинциясында алапат өртке байланысты төтенше жағдай жарияланып, ондаған мың адам үйлерін тастап кеткен еді.
Арыстан Рысбек
