БҰҰ: Миллиондаған адамға аштық қаупі төнді

Африканың батысы мен орталығында 48 миллион адамға ашаршылық қаупі төніп тұр. Дағдарысты қарулы қақтығыстар, қуаңшылық, коронавирус және қымбатшылық ушықтыра түскен. БҰҰ-ның гуманитарлық агенттіктері бұған алаңдаулы. Украинадағы соғыс азық-түлік және тыңайтқыштар тапшылығын өршіткен. Басқа елдерден тасымалдау ақысының және жанар-жағар майдың қымбаттауы да африкалықтар үшін оңайға соқпасы анық. Аймақтың импортқа тәуелділігі жаһандық инфляция кезінде ахуалды одан әрі нашарлатып отыр.

Арай Төлегенқызы