Вьетнам астанасының ауасы ерекше ластанды

Ал, Вьетнам астанасы Ханой тұрғындарын ауаның ластануы әбігерге салды. Жақында қаланың экологиясы тексеруден өткен. Оған сай, бірқатар аудандағы ауаның ластануы аса қауіпті деңгейге жеткені анықталды. Ханой әкімшілігі мұнымен күресу үшін ауа сапасын қадағалайтын 34 станция орнатқан. Экология және тазалық талаптарына сай келмегені үшін 50 мыңға жуық көлік жүргізушілеріне айыппұл салынды. Сабан мен басқа да қалдықтарды өртеу жіті бақылауға алынды. Көмір жағатын пештердің 99 пайызы қолданыстан шығарылған. Өйткені, одан шыққан улы түтін ауаны ластайды. Дүниежүзілік банк Вьетнам астанасының экологиялық мәселелерін шешуге көмектесуге дайын екенін мәлімдеді.

Арай Төлегенқызы