Қарағандыда 50 қарағай көшеті отырғызылды

Қарағанды қаласында «Таза Қазақстан» акциясы аясында 50 қарағай көшеті отырғызылды. Республика күні қарсаңында өткен шараға  мәдениет үйлерінің шығармашылық ұжымдары, қалалық кітапханалар мен «Шырақ» тілдерді оқыту орталығының қызметкерлері қатысты. Олар жаңа экопарк аумағына қарағай көшеттерін отырғызып, қаланы көгалдандыруға үлес қосты. Ұйымдастырушылар мұндай бастамалар тұрғындардың экологиялық мәдениетін қалыптастыруға және келер ұрпақ үшін қолайлы орта құруға ықпал ететінін атап өтті.