Мемлекет басшысы Израиль Президенті Ицхак Герцогпен телефон арқылы сөйлесті

Мемлекет басшысы Израиль Президенті Ицхак Герцогпен телефон арқылы сөйлесті. Бастамашы болған – Израиль тарапы. Ицхак Герцог Қасым-Жомарт Тоқаев пен Қазақстан халқын алдағы Наурыз мейрамымен және қасиетті Рамазан айының басталуымен құттықтады. Ал Қазақстан президенті алғыс айтып, Песах мейрамы қарсаңында Израиль халқына амандық пен бақ-береке тіледі. Тараптар Қазақстан мен Израильдің сауда-экономика саласындағы ынтымақтастығын нығайтуды да талқылады. Екіжақты тауар айналымының көлемі арта бастағаны да сөз болды. Сондай-ақ, президенттер екі ел арасында мәдени-гуманитарлық байланыстарды нығайтудың маңыздылығына тоқталды.

Данияр Қайыртайұлы