Жаңалықтарды Telegram арнамыздан оқыңыз!
400-ге жуық қазақстандық жүк көлігі Польша аумағынан шыға алмай қалған. 3 күндей шекарада тұрып қалған көліктер Еуропадан азық-түлік, жиһаз, техника жеткізуі тиіс еді.
Индустрия және инфрақұрылымдық даму министрлігінің хабарлауынша, жол қозғалысының тоқтап тұруына Польшаның Еуроодақ елдерінен басқа мемлекеттерге өз аумағы арқылы жүк тасымалдауға тыйым салуы себеп. Алайда еліміз мұндай шектеудің не үшін жасалғанын әлі білмей отыр.
Қазір Литва мемлекетімен келіссөз жүргізіліп, жүк көліктерін осы ел арқылы жеткізу көзделген.
Алтай Әлі, ҚР ИИДМ Көлік комитеті төрағасының орынбасары:
Нақты не себепті болғаны белгісіз. Күтпеген жағдай болды. Нақты қай күнге дейін жалғасатыны да белгісіз.
Айя Мүтәлі
